Mesfushori italian, Sandro Tonali është kthyer në një nga objektivat kryesorë të merkatos verore.
Sipas raportimeve në mediat britanike, si Arsenali ashtu edhe Manchester City po monitorojnë nga afër situatën e yllit të Newcastle United, transmeton Klankosova.tv.
Newcastle nuk ka ndërmend ta lëshojë lehtë mesfushorin 26-vjeçar dhe i ka vendosur një çmim prej rreth 100 milionë eurosh. Arsenal e sheh Tonalin si përforcim ideal për mesfushën, ndërsa Manchester City është gati të hyjë fuqishëm në garë për nënshkrimin e italianit.
Tonali ka kontratë me Newcastle deri në vitin 2028, por interesimi i dy gjigantëve të Premier League mund ta shndërrojë atë në një nga transferimet më të mëdha të verës.
