Policia e Kosovës gjatë fundjavës, ka arrestuar drejtoreshën e Qendrës për Mbrojtjen e Shëndetit Mendor në komunën e Deçanit, së bashku me djalin e saj, për dyshime të rënda mbi keqpërdorimin e të dhënave dhe pensioneve të pacientëve me probleme mendore.
Sipas njoftimit të policisë, dy të arrestuarit dyshohen se kanë keqpërdorur kartelat mjekësore të pacientëve për të përvetësuar pensionet e tyre, njofton Klankosova.tv.
Prokuroria Themelore e Pejës ka konfirmuar se rasti është duke u hetuar dhe janë marrë masat e nevojshme, përfshirë arrestimin e të dyshuarve dhe konfiskimin e provave.
Prokuroria ka njoftuar po ashtu se do të kërkojë pezullimin e drejtoreshës nga detyra, ndërsa hetimet vazhdojnë për të zbardhur plotësisht rastin.
Ndiqeni kroniken e plotë, e raportuar nga gazetari Valdrin Daci, në emisionin “Ora Shtatë” në Klan Kosova:
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
