Daniel Gjura, zëvendësdrejtori i Kadastrës Dibër është arrestuar nga Policia e Shqipërisë, pas një operacioni kundër tjetërsimit të pronave.
Daniel Gjura ishte shpallur në kërkim nga policia pasi ndaj tij është caktuar masa e sigurisë “Arrest në burg”, për veprat penale “Mashtrimi” dhe “Falsifikimi i dokumenteve”, kryer në bashkëpunim.
Më 17 qershor, pas një hetimi shtatëmujor, policia ka ekzekutuar 14 masa sigurie ndaj punonjësve dhe ish-punonjësve të Agjencisë Shtetërore të Kadastrës, si dhe ndaj disa personave të dyshuar se kanë përfituar nga falsifikimi i dokumenteve.
Nga hetimet dyshohet Gjura, me detyra aktuale dhe të mëparshme në Agjencinë Shtetërore të Kadastrës, Dibër, dhe noterja, në bashkëpunim me njëri-tjetrin, kanë falsifikuar dokumente dhe kanë kryer veprime të tjera administrative të kundërligjshme, me qëllim tjetërsimin e pronave të paluajtshme, në favor të shtetasit T. D. dhe familjarëve të tij.
Ai më herët ka mbajtur edhe postin e drejtorit, si dhe ka qenë kandidat për deputet nën siglën e Partisë Socialiste në zgjedhjet e vitit 2025./TCh
