Një person ka përfunduar në prangat e Policisë së Kosovës në orët e para të mëngjesit në Klinë, pasi dyshohet se ka sulmuar një zyrtar policor gjatë një aksioni për mbylljen e lokaleve pas përfundimit të aktiviteteve të festivalit folklorik “I Këndojmë Lirisë”, mëson ekskluzivisht Gazeta Sinjali.
Burimet e Sinjalit bëjnë të ditur se ngjarja ka ndodhur më 9 qershor 2026, rreth orës 01:40, në rrugën “Abedin Rexha”, ku zyrtarët policorë të angazhuar me plan operativ po zbatonin masat për shpërndarjen e qytetarëve dhe zbrazjen e lokaleve pas përfundimit të programit festiv.
Sipas informacioneve të siguruara, policët kishin shkuar edhe në lokalin “Inbox”, ku shumica e të pranishmëve ishin larguar, përveç Driton Jahës, i cili dyshohet se kishte refuzuar urdhrat e zyrtarëve policorë për t’u larguar nga lokali.
Burimet bëjnë me dije se i dyshuari fillimisht kishte provokuar zyrtarët policorë me sjelljet e tij, ndërsa gjatë largimit nga lokali dyshohet se e ka shtyrë me dorë në gjoks njërin prej policëve dhe ka vazhduar me fjalë kërcënuese.
Pas incidentit kanë ndërhyrë zyrtarët e tjerë policorë, të cilët kanë bërë arrestimin e tij. Sipas Policisë, i dyshuari ka rezistuar vazhdimisht deri në momentin e prangosjes.
Pas shoqërimit në stacion policor, atij i është bërë testi i alkoolit, ku ka rezultuar me 0.72 promilë alkool në gjak.
Lidhur me rastin është njoftuar Prokurori kujdestar, i cili ka urdhëruar inicimin e rastit për veprën penale “Sulm ndaj personit zyrtar”.
I dyshuari është mbajtur në stacion policor deri në kalimin e gjendjes së dehjes, ndërsa hetimet për rastin janë në vazhdim.
Sinjali – aty ku e vërteta flet para lajmit!
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
