Riyad Mahrez ka vendosur t’i japë fund karrierës së tij me Kombëtaren e Algjerisë, duke mbyllur një kapitull të jashtëzakonshëm pas më shumë se një dekade.
Sulmuesi 35-vjeçar largohet me statistika mbresëlënëse: 119 ndeshje, 40 gola dhe 45 asistime, duke kontribuar në 85 gola për përfaqësuesen algjeriane.
Mahrez ishte një nga figurat kryesore të “Dhelprave të Shkretëtirës” dhe një nga lojtarët më të rëndësishëm në triumfin historik të Algjerisë në Kupën e Kombeve të Afrikës në vitin 2019. Tani ai do të vazhdojë vetëm karrierën në nivel klubesh.
