Irani ka hedhur poshtë deklaratat e presidentit amerikan, Donald Trump, se Teherani ka arritur një marrëveshje me Shtetet e Bashkuara për programin bërthamor.
Trump deklaroi të dielën për NBC se gjatë bisedimeve të fundjavës, Irani kishte pranuar një “marrëveshje të përkryer” për SHBA-në, duke shtuar se Teherani kishte hequr dorë nga programi bërthamor.
Megjithatë, të hënën, zëdhënësi i Ministrisë së Jashtme të Iranit, Esmail Baghaei, i cilësoi këto pretendime si “plotësisht të pavërteta”, shkruan BBC.
Sipas tij, gjatë takimit të zhvilluar të shtunën në Oman, mes delegacioneve të SHBA-së dhe Iranit, nuk është diskutuar asnjë çështje tjetër përveç ngushticës së Hormuzit.
Baghaei shtoi se ndërmjetësuesit po vazhdojnë përpjekjet për të çuar përpara negociatat mes dy vendeve.
