Policia ka dhënë detaje për rastin e mbrëmshëm ku u dëgjuan të shtëna me armë zjarri në Prishtinë.
Zëdhënësi i policisë për Prishtinën, Agron Borovci, për Klankosova.tv ka deklaruar se të shtënat janë raportuar rreth orës 00:15, në rrugën “Shkupi” në Prishtinë.
“Me të marrë informatën, policia ka dalë në vendin e ngjarjes dhe nga informacionet e para është bërë e ditur se një person është plagosur nga arma e zjarrit dhe se i njëjti është dërguar në QKUK për trajtimin e nevojshëm mjekësor”.
“Aktualisht policia ka identifikuar një të dyshuar të përfshirë në rastin në fjalë, ndërkaq po vazhdon punën e saj operativo-hetimore si dhe të ekzaminimit të vendngjarjes me qëllim të sqarimin e plotë të rrethanave që karakterizojnë ngjarjen, si dhe lokalizimin e të dyshuarit”, ka thënë Borovci. /Klankosova.tv
The post Një i plagosur nga të shtënat mbrëmë në Prishtinë, i dyshuari në kërkim appeared first on Klan Kosova.
